निडाना हाइट्स - तामझाम

न्यडाणा म्ह चेज्जी-चयणाई:

न्यडाणा म्ह एह्ली अर दरवाज्जे बनाण की कला उतणी ए पराणी सै, ज्यतणा पराणा गाम का अय्तिहास| थाहरे स्याह्मी पेश सै गाम की लाल अर भूरे रंग की छोटी ईंटा आळी एह्लियाँ अर दरवाज्याँ तैं ले नए जम्मान्ने की कोठियाँ अर मक्काना का सफरनामा| डाट-छ्ज्जयाँ-अटारियां-चुबारयाँ-सतीह्रां-कड़ियाँ अर गुम्ब्दां तैं ले आज-काय्ल की बालकनी अर बरांडयां लग की दास्तान| पराणे जम्मान्ने की पात्थर की चौखटा अर जाळीयां तैं ले लोह की जाळी अर कैंची गेट्टा लग की काहणी|

गाम का नक्शा: गाम का रहासी हेर एक पांच-भुजी घेरे का सै, जिसमें घनखरी गाळ अर सरड़क फयरणी पै खड़ी-कटाई पै काटें सें| भीतरली गाळआं म क्सुह्डा गाळ सबतें बड्डी अर भीतरली रह्यास की छल्ला गाळ सै| इस गाळ अर फयरणी नैं मीलाण आळी घनखरी गाळ भी खड़ी-कटाई पै काटें सें| इसकी साबत जनकारी साईट के e-Media > Village Map आळए पन्ने पै पड़ी सै|

गाम की पराणे जुग की रयहास चयनण की कला - बाहरली ओड़ की:


छज्जे-बारजे	सामुदायिक अयमारत चयनण की कला: पत्थर के बारजे, डाट आळए दरवाजे, पाथ्रां की झांकी-चौखट, अध्गोळी- अधायती जंगळए, क्यलेनुमे मंडेरे, भीतां पै पशु-पखेरुवाँ की च्यत्रकारी आळी बड्डी चुप्याल (पयरस)\|		छोट्टी इंटा आळी एह्ली, सपाट-सीधी भींत, भींता कै उपरले ह्य्स्से पै बणी डयोड्डी\|


अध्गोळी डाट, पैन्नी त्यकोणी छल्लादार कढाई, दोहरे दरवाज्जे (भीतर की ओड़ के लोह अर काठ के कुवाड़, बाहरली ओड़ के जाळी आळए कुवाड़) अर पात्थर के झुकदे छज्जे	पात्थर की छल्लेदार जाळी, एक-कै-एक लाग्दी खड़ी गोळ कुण्या आळी जाळीदार मंडेर, आयताकार गुबंद आळआ बारजा	घर कै आगै बणे ऊँचे चौतरे

गाम की नए जम्मान्ने की रयहास चयनण की कला - बाहरली ओड़ की:


आम अय्मारत का नवेला ढलमाँ-चकोर बारणा	अध्गोळी डाट आळआ सपाट हवादार जंगळआ	सयमट-इंटा की गाळ अर पाणी-काडण खात्तर बणी नाळी


आयती मकान कै बाहरली ओड़ तैं चढ़दी पैड़ी, झांकी कै उप्पर पैंताळीस डग्री पै झुके पात्थर के छज्जे अर दरवाज्जे कै दोनूं काहन बणी चौतरी	तीन मंजली छतरी आळी कोठी	नए ढाळ के जाळीदार मंडेरे, आग्गे कायन ल्य्कड़े होए छज्जे अर लोह के दरवाज्याँ आळआ मकान

गाम की नई रयहास म बनण लाय्ग रीह कोठी अर मकानां का एक शहर बरगी झलक द्य्खान्दा मनमोही नजारा

अगेती टंडवाळ: नई खोज अर बख्त की गेल इस पाठ म्ह नई जनकारी जोड़ी जांदी रहगी|